പനമരം: സമസ്ത കേരള ജംഇയ്യത്തുൽ മുഅല്ലിമീൻ പനമരം റൈഞ്ചിന് കീഴിലുള്ള മദ്‌റസാ അധ്യാപകർക്കായി സംഘടിപ്പിച്ച ‘അബ്‌വാബ്’ പാഠപുസ്തക ശിൽപ്പശാല പനമരം മൻസൂറുൽ ഇസ്‌ലാം മദ്‌റസയിൽ വെച്ച് നടന്നു. പുതിയ അധ്യയന വർഷത്തിലെ പാഠ്യപദ്ധതികളെയും അധ്യാപന രീതികളെയും പരിചയപ്പെടുത്തുന്നതിനായിട്ടാണ് മുഅല്ലിം പരിശീലന പരിപാടി സംഘടിപ്പിച്ചത്.

​ദയരോത് അബ്ദുള്ള ഹാജി ശിൽപ്പശാലയുടെ ഉദ്ഘാടനം നിർവ്വഹിച്ചു. അഷ്‌റഫ്‌ ഫൈസി പനമരം ചടങ്ങിൽ അധ്യക്ഷത വഹിച്ചു. ജാഫർ സഅദി സ്വാഗതം ആശംസിച്ചു. മുഫത്തിഷ് ഹസൈൻ ഫൈസി, മുദരിബ് തമീം അശ്അരി എന്നിവർ വിവിധ വിഷയങ്ങളിൽ ക്ലാസുകൾക്ക് നേതൃത്വം നൽകി.

​ചടങ്ങിൽ ഇ. കുഞ്ഞമ്മദ് ഹാജി, കടന്നോളി മൊയ്തു മുസ്‌ലിയാർ, അബൂബക്കർ റഹ്‌മാനി, അഷ്‌റഫ്‌ ഫൈസി നെല്ലിയമ്പം, മൊയ്തു മുസ്‌ലിയാർ തരുവണ, മുഹമ്മദ്‌ റഹ്‌മാനി, സിദ്ധീഖ് ഫൈസി, അക്ബർ ഫൈസി എന്നിവർ ആശംസകൾ അർപ്പിച്ചു സംസാരിച്ചു. ഇസ്മായിൽ മൗലവി നന്ദി പറഞ്ഞു.